प्रदेश-२ मा आजै थपिए ८३ संक्रमित, संक्रमितको संख्या एक हजार ६४ पुग्यो
जनकपुरधाम, २४ जेठ । प्रदेश–२ मा आज (शनिबार) थप ८३ जनामा कोरोना भाइरस संक्रमण पुष्टि भएको छ ।
शनिबार आएको पीसीआर रिपोर्ट अनुसार प्रदेश–२ का ८३ जनामा कोरोना संक्रमण देखिएको प्रदेश–२ स्वास्थ्य निर्देशनालयले जानकारी दिएको छ ।
तर थपिएका नयाँ संक्रमित कुन जिल्लामा कति भन्नेबारे जानकारी आइनसकेको निर्देशनालयका कर्मचारी बताउँछन् । योसहित प्रदेश–२ मा कोरोना संक्रमितको संख्या एक हजार ६४ पुगेको छ ।