ला लिगा : बार्सिलोनालाई उछिन्दै रियल मड्रिड शीर्ष स्थानमा


प्रकाशित मिति : 25 June, 2020 8:51 am

काठमाडौं, ११ असार । स्पेनिस लिग फुटबलमा रियल मड्रिड पुनः शीर्ष स्थानमा फर्किएको छ ।
गए राति घरेलु मैदानमा भएको खेलमा मालोर्कालाई २–० ले पराजित गर्दै रियालले शीर्ष स्थानको बार्सिलोनालाई उछिनेको हो ।

खेलमा रियाललाई विजयी गराउन भिनिसियस सुनियर र कप्तान सर्जियो रामोसले एक एक गोल गरे ।

जितसँगै रियाल र बार्सिलोना दुवैको ३१ खेलमा समान ६८ अंक भएको छ । तर हेड टु हेडको आधारमा रियालले बार्सिलोनालाई उछिनेको हो । मालोर्का भने ३१ खेलमा २६ अंकसहित रेलिगेसन क्षेत्रमा संघर्ष गरिरहेको छ । एजेन्सी

प्रतिक्रिया दिनुहोस्