पहिरोले घर पुर्दा स्याङजामा एकको मृत्यु
स्याङजा, १४ असार । स्याङ्जाको गल्याङमा अविरल वर्षाका कारण घरमाथिबाट आएको पहिरोमा परेर एक जनाको मृत्यु भएको छ ।
पहिरोमा परेर गल्याङ नगरपालिका–९ साङ्लियका ४९ वर्षीय यमबहादुर बिकको मृत्यु भएको वडाध्यक्ष हरि खनालले जानकारी दिए ।
आइतबार बिहान ३ बजेतिर घरमाथिबाट आएको पहिरोमा परेर उनकी श्रीमती घाइते भएकी छिन् । उनलाई उपचारका लागि पाल्पा लगिएको छ । ३ जनाको परिवार रहेको विकको परिवारमा एक जना भने सकुशल रहेका प्रहरीले जनाएको छ ।
