थप ४८२ जनामा कोरोना संक्रमण, नेपालमा संक्रमितको संख्या १४ हजार नाघ्यो
काठमाडौं, १७ असार । नेपालमा पछिल्लो २४ घण्टामा थप ४८२ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या १४ हजार ४६ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कोरोना जित्नेको संख्या चार हजार ६ सय ५६ पुगेको छ । कोरोनाका कारण मृत्यु हुनेको संख्या भने २९ छ ।
मन्त्रालयका अनुसार अहिलेसम्म क्वारेन्टाइनमा ४८ हजार तीन सय ६२ जना रहेका छन् । आइसोलेसनमा भने ९ हजार तीन सय ६० जनाको उपचार भइराखेको छ ।
