गण्डकी प्रदेशमा थप तीन जनामा कोरोना संक्रमण
पोखरा, २१ असार । गण्डकी प्रदेशका दुई जिल्लामा थप तीन जना कोरोना संक्रमण फेला परेको छ । प्रदेशको तनहुँमा दुई जना र बाग्लुङमा एक जना संक्रमित थपिएका हुन् ।
संक्रमितलाई सम्बन्धित जिल्लाका आइसोलेसन कक्षमा लैजाने तयारी भइरहेको गण्डकी प्रदेश स्वास्थ्य निर्देशनालयले जनाएको छ ।
योसँगै गण्डकी प्रदेशका संक्रमितको संख्या एक हजार ९१ पुगेको छ । नेपालमा भने संक्रमितको संख्या १५ हजार ४९४ पुगेको छ ।