२०७७ असार ३० गते मंगलबारको तपाईको राशिफल
मेष (चु, चे, चो, ला, लि, लु, ले, लो, अ)
आज अनुहारमा कान्ति र मनमा शान्ति छाउने छ । स्वास्थ्य सबल रहने छ । बन्द व्यापार र पेसा व्यवसायका क्षेत्रमा उन्नति प्रगतिको वातावरण बन्ने छ ।
मिथुन (का, कि, कु, घ, ङ, छ, के, को, हा)
आज मंगल कार्यको योजना बन्ने छ । धार्मिक र सांस्कृतिक सभा समारोहमा सरिक हुने सम्भावना छ । कृषि कार्यमा पनि सफलता मिल्ने छ ।
सिंह (मा, मि, मु, मे, मो, टा, टि, टु, टे)
परिवारजनको साथले नयाँ आशा पलाउने छ । आफन्त र मित्रताको बन्धनमा रमाउने समय छ । छोटो यात्रा गर्ने अवसर पनि प्राप्त हुनेछ ।
तुला (रा, रि, रु, रे, रो, ता, ति, तु, ते)
आजको दिन हाँसखेल खानपिनमा जानेछ । पारिवारिक सुख मिल्नुका साथै अध्ययनमा रुची बढ्ने छ । खुशीको खबर सुन्न पाउनु हुनेछ ।
धनु (ये, यो, भा, भि, भु, धा, फा, ढा, भे)
आज लामो समयदेखि रोकिएका अधुरा कामहरु पुरा हुनेछन् । रमाइलो यात्राको सम्भावना छ र त्यसबाट दीर्घकालिक फाइदा पुग्नेछ ।
कुम्भ (गु, गे, गो, सा, सि, सु, से, सो, दा)
आज लाभदायक यात्राको सम्भावनालाई नकार्न सकिंदैन । एकपछि अर्को अवसर आउनाले मन प्रसन्न रहनेछ । सम्मान पनि पाइने छ ।
वृष (इ, उ, ए, ओ, वा, वि, वु, वे, वो)
दबाब र तनाव बढेको महसुस हुनेछ । सन्तान पक्षको मायामा कमी आउने छ । यात्रामा सावधानी अपनाउनु पर्नेछ । कार्यमा बाधा आउने छ ।
कर्कट (हि, हु, हे, हो, डा, डि, डु, डे, डो)
आज रोकिएका काम पुनः सुरु हुन सक्छन् । जग्गा जमिनको कारोबारबाट फाइदा हुनेछ । जटिल ठानिएको काम समेत सम्पादन हुनसक्छ ।
कन्या (टो, पा, पि, पु, ष, ण, ठ, पे, पो)
आज आफूलाई कमजोर भएको अनुभूति हुनेछ । वाणी, रिस, आवेग र क्रोधलाई नियन्त्रणमा राखी काम गर्दा राम्रो प्रतिफल पाइने समय छ ।
वृश्चिक (तो, ना, नि, नु, ने, नो, या, यि, यु)
दाम्पत्य जीवनमा एक किसिमको माधुर्यता छाउने छ । मनमा दुविधा बढे पनि गरेको कार्यमा सफलता मिल्ने छ । शुभ कार्यको चर्चा पनि चल्ने छ ।
मकर (भो, जा, जि, जु, जे, जो, ख, खि, खु, खे, खो, गा, गि)
बुद्धिको उपयोग गर्नाले जटिल ठानिएको काम समेत सम्पादन हुन सक्छ । अधिकार प्राप्तिका लागि गरिएको प्रतिस्पर्धामा विजयी भइने छ ।
मीन (दि, दु, थ, झ, ञ, दे, दो, चा, चि)
आज चिताएको कामले तीव्रता लिनेछ । सामाजिक क्षेत्र र नोकरीबाट मान सम्मान मिल्ला । परिश्रमअनुसार उपलब्धि पनि राम्रै पाइने छ ।
ज्यो.प. नारायणप्रसाद दुलाल