ला लिगा : रियाल मड्रिड उपाधि नजिक
काठमाडौं, ३० असार । स्पेनिस लिग फुटबल ला–लिगामा रियाल मड्रिडले ग्रानडालाई २–१ ले हराएको छ । जितसँगै रियाल मड्रिड ला लिगाको उपाधिभन्दा एक जितको दूरीमा पुगेको छ ।
तालिकामा अब दुई अंक मात्रै थपेको खण्डमा रियाल मड्रिडले कीर्तिमानी ३४ औं पटक ला लिगाको उपाधि जित्ने छ । लिगमा दुई खेल मात्रै बाँकी रहँदा रियालको ८३ अंक छ ।
दोस्रो स्थानको बार्सिलोना रियालभन्दा ४ अंकले पछि छ । गए रातिको खेलमा रियाल मड्रिडलाई विजयी गराउन फर्लाण्ड मेण्डी र करिम बेन्जमाले एक एक गोल गरे ।
ग्रानडाका डार्वीन माचेसले एक गोल फर्काए । ला लिगाअन्तर्गत गए राति भएका अन्य खेलहरुमा रियाल सोसिडाडले भियारियाललाई २–१ ले हराउँदा गेटाफे र डेपोर्टिभो आलाभेजले गोलरहित बराबरी खेलेका छन् । एजेन्सी
