थप २१० जनामा कोरोना संक्रमण, नेपालमा संक्रमितको संख्या १९ हजार २७३ पुग्याे


१४ श्रावण २०७७, बुधबार
korona 5

काठमाडौं, १४ साउन । नेपालमा पछिल्लो २४ घण्टामा थप २१० जना कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा कोरोना निको हुनेको संख्या १४६ रहेको जानकारी दिए । मन्त्रालयका प्रवक्ता डा. जागेश्वर गौतमका अनुसार योसँगै कुल संक्रमितको संख्या १९ हजार २७३ पुगेको छ ।

उनका अनुसार हालसम्म १४ हजार २१ जना कोरोना निको भएका छन् । कुल कोरोना निको हुने संख्या ७२ दशमलव ७ प्रतिशत रहेको उनले जानकारी दिए ।

पछिल्लो २४ घण्टामा छ हजार ३७ जनाको आरटी पीसीआर परीक्षण गरिएको मन्त्रालयले जनाएको छ । क्वारेन्टिनमा १४ हजार ४७१ जना रहेका छन् । हाल सक्रिय संक्रमितको संख्या पाँच हजार २०३ रहेको छ ।

पछिल्लो सात दिनको कोरोना संक्रमितको तथ्याङ्कअनुसार साउन ८ गते १४७ जना, साउन ९ गते १३३ जना संक्रमित साउन १० गते १०९ जना, साउन ११ गते १३० जना साउन १२ गते १३९ जना, साउन १३ गते ३११ जना कोरोना संक्रमित थपिएका थिए ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७