भारतमा एकै दिन साढे ६१ हजार जना संक्रमित, ९३३ जनाको मृत्यु
नयाँदिल्ली, २४ साउन । भारतमा पछिल्लो २४ घण्टामा कोरोना भाइरस संक्रमणबाट थप ९३३ जनाको ज्यान गएको छ ।
भारतको स्वास्थ्य मन्त्रालयका अनुसार ६१ हजार ५३७ नयाँ संक्रमित थपिएका छन् । कर्नाटक, विहार र आन्ध्र प्रदेशमा सबै भन्दा धेरै संक्रमण फैलिएको भारतीय सञ्चारमाध्यमहरुले जनाएका छन् ।
नयाँ संक्रमित थपिएसँगै कोरोना भाइरस संक्रमितको संख्या हालसम्म २० लाख ८८ हजार ६११ पुगेको छ । त्यस्तै मृतकको संख्या ४२ हजार ५१८ पुगेको छ ।
त्यहाँको स्वास्थ्य मन्त्रालयका अनुसार ६८ दशमलव ३२ प्रतिशतले निको भएका छन् । सक्रिय संक्रमितको संख्यामा पनि कमी आएको मन्त्रालयले जनाको छ । संक्रमितको संख्या हाल ६ लाख १९ हजार ८८ रहेको छ भने १४ लाख २७ हजार ५ जना संक्रमणमुक्त भएका छन् । एजेन्सी