पूर्व क्रिकेटर पवन दासलाई कोरोना संक्रमण
काठमाडौं, २५ साउन । पूर्व क्रिकेटर पवन दासलाई कोरोना भाइरस संक्रमण भएको छ ।
दासले फेसबुकमार्फत आफूलाई कोरोना संक्रमण पुष्टि भएको जानकारी दिएका छन् ।
उनले फेसबुकमा लेखेका छन्, ‘मसँग साउन १५ गतेपछि सम्पर्कमा आउनेहरु कृपया सुरक्षित बस्नुहोला अरुलाई पनि सुरक्षित राख्नुहोला ।’
दाससँगै उनका बुबा र आमालाई पनि कोरोना सक्रमण पुष्टि भएको छ । हाल सप्तरीमा व्यवसाय गर्दै आएका दासले सन् २००२ मा यु–१५ र २००४ मा यु–१७ मा नेपाली टोलीको प्रतिनिधित्व गरेका थिए ।
