थप ३३८ जनामा कोरोना संक्रमण, नेपालमा संक्रमितको संख्या २३,३१० पुग्यो
काठमाडौं, २६ साउन । नेपालमा पछिल्लो २४ घण्टामा थप ३३८ जनामा कोरोना भाइरस संक्रमण पुष्टि भएको छ । योसहित नेपालमा कोरोना संक्रमित हुनेको संख्या २३ हजार ३१० जना पुगेको छ ।
आज (सोमबार) स्वास्थ्य तथा जनसंख्या मन्त्रालयको नियमित प्रेस बिफ्रिङका क्रममा प्रवक्ता डा. जागेश्वर गौतमले यसको पुष्टि गरेका हुन् ।
यसैगरी पछिल्लो २४ घण्टामा निको भएर १४० डिस्चार्ज भएका छन् भने थप ४ जनाको कोरोनाबाट मृत्यु भएको छ ।
