हिरोइनमाथि ट्रेनमै बलात्कार !
काठमाण्डौं, १९ माघ : नेपालमा केहि दिनयता बलात्कारका घटनाहरुले सामाजिक सञ्जाल तताइरहेका छन् । मिडियाहरुमा पनि बलात्कारका घटनाले बढी स्थान पाइरहेका छन् ।
नेपालमा मात्र होइन भारतमा पनि बलात्कारको घटना बढेको छ । यहाँ कुनै फिल्मको दृष्यको कथा भन्न खोजिएको नभई यथार्थ घटना हो । यो घटनालाई अहिले भारतमा भत्र्सना भइरहेको छ । मलयामल फिल्मकी अभिनेत्री सानुषा सन्तोषमाथि ट्रेनमै बलात्कारको प्रयास भएको छ । दक्षिण भारतको मेंग्लुरु सेन्ट्रलदेखि थिरुवन्तपुरमसम्म चल्ने मावेली एक्सप्रेसको ट्रेनमा उनीमाथि बलात्कार प्रयास भएको घटना बाहिर आएको छ । ‘राति झण्डै १ बजे जब म ट्रेनको अपर बर्थमा सुतिरहेकी थिएँ ।
त्यतिबेला महसुस भयो कि मेरो ओठ कसैले चलाइरहेको छ । आँखा खोलेपछि थाहा भयो एक व्यक्तिले मेरो ओठमा आफ्नो हात राखिरहेका थिए’–उनले भनिन्–‘मैले मद्दतका लागि अनेक याचना गरें । तर कोही आएनन् । ’ सानुषाले एक अन्तरवार्तामा भनेकी छिन् कि उनले ती व्यक्तिको हात तत्कालै आफ्नो ओठबाट हटाइन् । त्यहाँ रहेका व्यक्तिहरुसँग सहयोगको याचना गरिन् । तर केवल, २ व्यक्ति मात्रै उनको सहयोगका लागि आए । बाँकी सबै चुप रहे । यतिसम्म कि लोअर बर्थमा बसेका यात्रुहरुले पनि कुनै प्रतिक्रिया समेत दिएनन् ।
समातिए आरोपितहरु
थिरुवन्तपुरम आउने बित्तिकै प्रहरीले बलात्कार गर्न खोज्नेहरुलाई पक्राउ गरेको छ । ‘मानिसहरुलाई केवल फेसबुकमा मात्रै आक्रोश पोख्न आउँछ । जब अरु व्यक्ति साँच्चै अफ्टेरो अवस्थामा हुन्छन् । त्यतिबेला कसैले केही बास्ता गर्दैन,’ आफूमाथि बलात्कार प्रयास हुँदा समेत केही नबोल्ने यात्रुहरुलाई लक्षित गरेर उनले भनेकी छिन्–‘यदि यही विषय मैले फेसबुकमा लेखें भने मलाई ठूलो सर्पोट आउँछ । मानिसहरुले आफ्नो प्रोफाइल फोटो नै परिवर्तन गरेर आई एम विथ सानुषा लेख्ने छन् ।
तर जब कोही महिला साँच्चै संकटमा पर्छन्। त्यहाँ कसैले बोल्नेवाला छैन् ।’ उनले यस घटनापछि समाजप्रति आफ्नो विश्वास टुटेको बताएकी छिन् । ‘केवल सामाजिक सञ्जालमा लेखेर केही हुँदैन । एउटी महिला भएको नाताले म आफूमाथि बलात्कारको प्रयास हुँदा मानिसहरु मेरो पक्षमा उभिएको हेर्न चाहन्छु ।’ २५ वर्षकी सानुषाले मलायालम, तामिल र तलेगु भाषाका झण्डै ४० फिल्ममा अभिनय गरेकी छिन् । १९९८ मा उनले ‘कल्लु कोन्दोरु पेन्नु’ फिल्ममा बालबलाकारको भूमिका निभाएकी थिइन् । त्यसपछि थुप्रै फिल्ममा उनले बालकलाकारका रुपमा खेलिन् । सन् २०१२ मा इडियट्स र त्यसपछि आएको ‘ओरु मुराई भन्थु’ उनका चर्चित फिल्म हुन् ।
