कोरोनाबाट थप तीनको मृत्यु, नेपालमा मृतक संख्या १०२ पुग्यो
काठमाडौं, ३१ साउन । नेपालमा पछिल्लो २४ घण्टामा कोरोना भाइरस संक्रमणबाट तीन जनाको ज्यान गएको छ ।
पर्सा, धनुषा र कपिलबस्तुमा एक–एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ । योसहित नेपालमा कोरोनाबाट ज्यान गुमाउनेको संख्या १०२ पुगेको छ ।
यता नेपालमा पछिल्लो २४ घण्टामा थप ४६८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले योसहित आज (शनिबार) सम्ममा नेपालमा संक्रमितको संख्या २६ हजार १९ पुगेको जानकारी दिएको छ ।
यो अवधिमा १२४ जना संक्रमणमुक्त भई डिस्चार्ज भएको मन्त्रालयका प्रवक्ता डा. जागेश्वर गौतमले बताएका छन् । देशभरका प्रयोगशालमा विगत २४ घण्टामा ११ हजार ४७ जनाको नमुना पिसिआर बिधिबाट परीक्षण गरिएको गौतमले जानकारी दिए ।
