वाग्मती प्रदेशसभाका उच्च अधिकारीलाई कोरोना संक्रमण
हेटौंडा, १ भदौं । वाग्मती प्रदेशसभाका एक उच्च अधिकारी कोरोना सङ्क्रमित भएका छन् । कीटजन्य रोग अनुसन्धान केन्द्रमा तीन दिनअघि सङ्कलन गरिएकोे उनको स्वाब परीक्षणको आजको रिपोर्ट पोजेटिभ देखिएको उनको सचिवालयले जनाएको छ ।
हेटौंडा उपमहानगरपालिकाका जनस्वास्थ्य निरीक्षक भोलाप्रसाद चौलागाईले पनि सोको पुष्टि गरे । हेटाैंडास्थित आफ्नै निवासमा उनी सेल्फ आइसोलेशनमा बसेका छन् ।
कोरोना सङ्क्रमण पुष्टि भए पनि उनमा सामान्य रुघाखोकी बाहेक कुनै लक्षण नदेखिएको उनका स्वकीय सचिवले जनाएका छन् । उनीसँंगै मकवानपुरमा आज १६ जनामा कोरोना सङ्क्रमण पुष्टि भएको जनाइएको छ ।
