नायक अनमोलले खोले आफ्नो यस्तो कमजोरी
काठमाण्डौं, २० माघ : चर्चित नायक अनमोल केसीसँग काम गरेका नायिकाहरुले उनको खुलेर प्रशंसा गर्ने गरेका छन् । अदिती बुढाथोकी, साम्राज्ञी राज्यलक्ष्मी शाहलगायतका नायिकाहरुले अनमोल केसी ह्याण्डसम मात्र होइन इमान्दार, सहयोगी र समयलाई बढी महत्व दिने नायकका रुपमा आफूहरुले बुझेको बताउने गरेका छन् ।
तर, उनै ड्यूटीफुल नायक अनमोल केसीले भने आफ्नै कारणले आफ्नो चलचित्र ‘कृ’ प्रदर्शनको तयारी पछि सरेको खुलासा गरेका छन् । आफूले चलचित्रका लागि चाँडो तयारी गर्न नसक्दा चलचित्र छायाँङ्कन ढिला भएकाले प्रदर्शन पनि ढिला भएको बताएका छन् ।
चलचित्र ‘कृ’ को टिम अहिले स्कटल्याण्डमा सुटिङका लागि गएको छ । चलचित्रको रिलिज डेट माघ २६ मा तोकिएको छ । तर चलचित्रको एउटा गीत सुटिङ गर्न ‘कृ’ टिम स्कटल्याण्ड उडेको हो । यहि गीत पूरा नभएका कारण चलचित्र पछि सरेको ‘कृ’ युनिटले बताएको छ ।
