सुनको भाउ १६ सय घट्यो, कतिमा हुँदैछ कारोबार ?
काठमाडौं, ४ भदौं । नेपाली बजारमा आज (बिहीबार) सुनको मूल्य प्रतितोला एक हजार ६ सय रुपैंयाले घटेको छ । नेपाली सुन चाँदी व्यवसायी महासंघले जनाएअनुसार आज बिहीबार सुन तोलाको ९८ हजार ८ सयमा कारोबार भइरहेको छ ।
यसअघि बुधबार बजारमा सुन तोलाको एक लाख ४ सयमा कारोबार भएको थियो । आज तेजावी सुन तोलाको ९८ हजार ३ सयमा कारोबार भइरहेको छ । चाँदी प्रतितोला १३ सय ६० रुपैंया कायम गरिएको छ । चाँदी तोलाको १५ रुपैंया घटेको हो ।
