राजधानी माग्दै वीरगञ्जमा तोडफोड र बन्द


२१ माघ २०७४, आईतवार
849187563birgunj 2222

वीरगञ्ज, २१ माघ : प्रदेश–२ को पहिलो बैठक आज जनकपुरधाममा बस्दै छ । जनकपुरधाममा बैठकको तयारी भइरहँदा सरकारले प्रदेश २ को राजधानी माग गर्दै आज वीरगञ्ज बन्द आह्वान गरिएको छ । बन्दकर्ताले तीन वटा गाडीमा तोडफोड गरेका छन् । सरकारले प्रदेश २ को राजधानी जनकपुरधाम तोकेको थियो । 849187563birgunj 2222

बन्दको अवज्ञा गरेको भन्दै बन्दकर्ताहरुले घण्टाघर र आदर्शनगर क्षेत्रमा सवारी साधनमा तोडफोड गरेका हुन् । बन्दकर्ताहरुले विआर ०५ पीए ३०४० नम्बरको भारतीय गाडी र नम्बर नखुलेका दुई वटा निजी कारमा तोडफोड गरेका छन् । आन्दोलनकारीले बिहानैदेखि सडक अवरुद्ध पारेका छन् । बन्दका क्रममा एम्बुलेन्स, दमकल लगायत अत्यावश्यक सवारी साधन भने सञ्चालन हुन दिइएको छ । मोटरसाइकल, रिक्सा पनि सञ्चालनमा छन् ।

अस्थायी राजधानी जनकपुरलाई तोक्ने संकेत पाएदेखि नै वीरगञ्ज राजधानीका लागि आन्दोलित छ तर वार्ता र संवादका लागि पहल भएको छैन । सोमबार बिहान संघर्ष समितिको बैठक बसेर थप संघर्षका कार्यक्रम सार्वजनिक गर्ने तयारी गरिएको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७