वार्ता चलिरहेका बेला अफगानिस्तानमा भिषण भीडन्त, २३ सैनिक र ३१ विद्रोहीको मृत्यु
काबुल, ३ असोज । अफगानिस्तानका दुई स्थानमा सुरक्षाकर्मी र विद्रोही लडाकुबीच भएको भिषण भिडन्तमा २३ सैनिक र ३१ लडाकुको मृत्यु भएको छ । घटनामा अरु दर्जनौं लडाकु घाइते भएको सरकारी अधिकारीहरुले जनाएका छन् ।
पूर्वी नानगाहर र बाग्गिस प्रान्तमा दोहोरो भीडन्त भएको हो । अफगानिस्तानमा स्थायी शान्ति स्थापनाका लागि सरकार र तालिबान समूहका नेताहरुबीच वार्ता भइरहँदा भीडन्त भएको हो ।
स्थानीय मिडियाका अनुसार नान्गाहर प्रान्तमा २० सैनिक र २९ तालिवान लडाकूको मृत्यु भएको थियो भने कम्तीमा १५ सैनिक र २० लडाकू घाइते भए । यस्तै बग्गिस प्रान्तमा तीन सैनिक र दुई विद्रोहीको मृत्यु भएको बताइएको छ । यस घटनामा सेनाले लडाकूको आक्रमणको जवाफी फायरिङ गरेको जनाएको छ ।
अफगानिस्तानमा २ दशकदेखि जारी युद्ध अन्त्य गर्ने भन्दै कतारमा सरकारी प्रतिनिधि र विद्रोही प्रतिनिधिबीच वार्ता जारी छ । जुन वार्ताले नै अफगानिस्तानमा स्थायी शान्ति स्थापना गर्ने अपेक्षा गरिरहँदा भएको यो ठूलो भीडन्तलाई अर्थपूर्ण रुपमा हेरिएको छ । एजेन्सी
