कोरोनाबाट विराटनगरमा थप दुई महिलाको निधन, प्रदेश–१ मा मृत्तक संख्या ९६ पुग्यो
विराटनगर, २४ असोज । कोरोना भाइरस संक्रमणबा मोरङको विराटनगरस्थित विराट मेडिकल र न्यूरो अस्पतालमा उपचाररत दुई जना कोरोना संक्रमित महिलाको शनिबार मृत्यु भएको छ ।
विराट मेडिकल अस्पतालमा उपचाररत इटहरी उपमहानगरपालिका–५ की ६४ वर्षीया र न्यूरो अस्पतालमा उपचाररत पथरीशनिश्चरे नगरपालिका–६ की ९२ वर्षीया वृद्धाको मृत्यु भएको हो ।
मृतक ६४ वर्षाीय महिला असोज १५ गते विराट मेडिकल अस्पतालको आइसोलेसनमा भर्ना भएकी थिइन् । ९२ वर्षीया महिलालाई असोज १८ गते कोरोना संक्रमण पुष्टि भएको थियो ।
उनीहरुमा श्वासप्रश्वासमा समेत समस्या देखिएको जिल्ला स्वास्थ्य कार्यालय मोरङका प्रमुख ज्ञानबहादुर बस्नेतले बताए । हालसम्म प्रदेश–१ मा कोरोनाबाट मृत्यु हुनेको संख्या ९६ पुगेको छ ।