भारतमा घट्दै संक्रमण : केही राज्यमा आजदेखि विद्यालयहरु खुल्ने, मुम्बईमा रेल पनि चल्ने


३ कार्तिक २०७७, सोमबार
thumbs b c 8d2b3187080f0ffad45262be655e6890

नयाँदिल्ली, ३ कार्तिक । भारतमा पछिल्ला केहि हप्तायता कोरोना भाइरस संक्रमण केहि कम हुन थालेको छ । जसका कारण सरकारमा नागरिकको जनजीवन सामान्यीकरण गर्दै लगेको छ । भारतका केही राज्यमा आजदेखि विद्यालय खुल्ने भएका छन् ।

पञ्जाब, उत्तर प्रदेश, हिमाञ्चललगायत प्रदेशमा आजदेखि विद्यालयहरु स्वास्थ्य मापदण्ड र सुरक्षा सावधानीका सर्तसहित खुल्दैछन् । उत्तर प्रदेश र पञ्जाबमा कक्षा ९ देखि १२ सम्मका विद्यार्थीहरु विद्यालय आएर अध्ययन गर्नेछन् ।

उत्तर प्रदेशमा ५० प्रतिशत विद्यार्थीलाई एक दिन र बाँकीलाई अर्को दिन बोलाएर अध्ययन गराइनेछ । तर विद्यार्थीहरुलाई विद्यालय आउन अनिवार्य गरिएको छैन । पञ्जाबमा विद्यालयहरु दैनिक ३ घण्टा मात्र खुल्नेछन् । एउटा सिटमा एक जना मात्र विद्यार्थीलाई बसाइने छ । हिमाञ्चल प्रदेशमा पनि कक्षा १० र कक्षा १२ का विद्यार्थीलाई विद्यालयमा आएर अध्ययन गर्न खुला गरिँदैछ ।

सिक्किममा पनि आजदेखि विद्यालयहरु खुल्दैछन् । त्यहाँको सरकारले जाडोको विदा र शनिबारको विदा समेत कटाएर नयाँ शैक्षिक क्यालेन्डर बनाएको छ । भारतको केन्द्र सरकारले अनलाइन कक्षा र दूरी सिकाइ (डिस्ट्यान्स लर्निङ) लाई अझै पनि प्राथमिकता दिइएको र प्रोत्साहन गरिएको जनाएको छ । यसैगरी मुम्बईमा आजदेखि रेल चल्नेछ । बिहान साढे ८ देखि बेलुका साढे ८ बजेसम्म रेल चल्ने भारतीय सञ्चारमाध्यमले जनाएका छन् ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७