बागमती प्रदेशका मुख्यमन्त्रीलाई थप उपचारका लागि हेलिकप्टरबाट काठमाडौं ल्याइयो
काठमाडौं, ७ कार्तिक । कोरोना भाइरस संक्रमित बनेका बागमती प्रदेशका मुख्यमन्त्री डोरमणि पौडेललाई थप उपचारका लागि हेलिकप्टरमा काठमाडौं ल्याइएको छ ।
मुख्यमन्त्री पौडेललाई आज (शुक्रबार) दिउँसो नेपाली सेनाको हेलिकप्टरले काठमाडौं ल्याइएको हो । उनलाई गंगालाल हृदयरोग केन्द्रमा उपचारका लागि लगिएको प्रेस संयोजक प्रकाश दाहालले जानकारी दिएका छन् ।
मुख्यमन्त्री पौडेलको अवस्था सामान्य छ । बिहीबार कोरोना संक्रमण पुष्टि भएपछि पौडेल होम आइसोलेसनमा नै थिए । तर हालै मुटुको अपरेसन गरेका कारण समयमा नै उपचारमा सचेतता अपनाएको दाहालले जानकारी दिएका छन् ।
‘उहाँमा सामान्य रुघाखोकी मात्र छ, अरु लक्षण देखिएको छैन’ दाहालले भने ‘केही समयअघि मुटुको अपरेसन गरेका कारण समयमै सचेतता अपनाउँदै गंगालालमा पठाइएको मात्र हो ।’
