म्याराडोनाको मस्तिष्कको शल्यक्रिया सफल
काठमाडौं, १९ कार्तिक । महान फुटबल खेलाडी डिएगो म्याराडोनाको मस्तिष्कको सफल शल्यक्रिया गरिएको छ ।
मस्तिष्कमा रगतको थेग्ला जमेपछि अर्जेन्टिनामा उनको शल्यक्रिया गरिएको उनका निजी चिकित्सकले पुष्टि गरेका छन् । म्याराडोना सोमबार ला पाल्टाको एक क्लिनिकमा भर्ना भएका थिए । तत्काल उनलाई अर्को अस्पतालमा लगिएको थियो ।
‘शल्यक्रियापछि उनको होश आइसकेको छ, सबथोक राम्रो छ,’ उनका निजी चिकित्सकले भनेका छन् । म्याराडोनाले गत शुक्रबार मात्र ६० औं जन्मदिन मनाएका थिए । एजेन्सी
