चीनको कोइला खानीमा बिष्फोट, ८ मजदुर वेपत्ता
काठमाडौं, २० कार्तिक । चीनको एक कोइला खानीमा ग्यास बिस्फोट हुँदा आठ मजदुर बेपत्ता भएका छन् ।
चीनको उत्तर पश्चिमी प्रान्त शान्सीमा रहेको एक कोइला खानीमा बुधबार भएको ग्यास बिष्फोटमा परी आठ व्यक्ति वेपत्ता भएका चिनियाँ सञ्चार माध्यमले जनाएका छन् ।
स्थानीय समयानुसार बुधबार दिउँसो १ बजे घटना भएको हो । कोइला खानीमा ४२ कामदार कार्यरत थिए । वेपत्ता व्यक्तिहरुको खोजी र उद्धारकार्य जारी रहेको त्यहाँका अधिकारीहरुले जनाएका छन् । एजेन्सी