प्रधान सेनापतिद्वारा भारतीय सेनाध्यक्षलाई एक लाख थान मास्क हस्तान्तरण


प्रकाशित मिति : November 5, 2020

काठमाडौं, २० कार्तिक । नेपाली सेनाका प्रधानसेनापति पूर्णचन्द्र थापाले भारतीय सेनालाई एक लाख थान मास्क हस्तान्तरण गरेका छन् ।

बिहीबार जंगी अड्डामा भारतीय सेनाध्यक्ष मनोज मुकुन्द नरवणेसँगको भेटवार्तापछि प्रधानसेनापति थापाले एक लाख मेडिकल मास्क हस्तान्तरण गरेका हुन् । भारतीय सेनाको लागि नेपालमै निर्मित एक लाख थान मेडीकल मास्क र शान्तिको प्रतीक भगवान बुद्धको प्रतिमा हस्तान्तरण गरेको सैनिक प्रवक्ता सहायक रथी सन्तोष बल्लभ पौडेलले बताए।

भारतीय सेना प्रमुख नरवणेले नेपाली सेनालाई भ्यान्टिलेटरसहितका स्वास्थ्य सामाग्री हस्तान्तरण गरेका छन् । नेपाली सेनाका दुई फिल्ड अस्पताल स्थापनाका लागि एक्स–रे मेसिन, आईसीयू भेन्टिलेटर, भिडियो इन्डोस्कोपी युनिट, एनेस्थेसिया मेसिन, एम्बुलेन्स लगायतका स्वास्थ्य सामग्री प्रदान गरेका हुन् ।

प्रतिक्रिया दिनुहोस्