भारत–पाकिस्तानका सेनाबीच भिषण भिडन्त, दुवैतर्फ गरी २२ को मृत्यु
काठमाडौं, २९ कार्तिक । भारत र पाकिस्तानका सेनाबीच जम्मु–कस्मिरमा भिषण भिडन्त भएको छ ।
शुक्रबार सीमाको नियन्त्रण रेखा (एलओसी) मा पाकिस्तानी सेनाले गरेको गोलाबारीमा भारततर्फ ५ सुरक्षाकर्मी र ६ सर्वसाधारणको मृत्यु भएको हो ।
भारतीय सेनाको जवाफी कारबाहीमा पाकिस्तानतर्फ ३ कमाण्डरसहित ११ सैनिक मारिएको दैनिक भास्करले दाबी गरेको छ । दुवै पक्षले एकअर्कालाई युद्धविराम उल्लंघन गरेको आरोप लगाएका छन् ।
