बुटवलमा कोरोनाबाट रोल्पाकी वृद्धाको मृत्यु
बुटवल, ३ मंसिर । कोरोना भाइरस संक्रमणबाट रूपन्देहीको बुटवलस्थित कोरोना विशेष अस्पतालमा रोल्पाकी एक वृद्धाको मृत्यु भएको छ ।
रोल्पाकी ७७ वर्षीया वृद्धाको उपचारको क्रममा आज (बुधबार) बिहान ११ः१० बजे मृत्यु भएको अस्पतालका प्रवक्ता डा. विष्णु गौतमले जानकारी दिएका छन् ।
१६ कात्तिकमा कोरोना संक्रमण पुष्टि भएकी उनी सोही दिन लुम्बिनी अस्पतालद्वारा सञ्चालित कोरोना विशेष अस्पतालमा भर्ना भएकी थिइन् । डा. गौतमका अनुसार उनीमा ज्वरो, दम, मधुमेह र श्वासप्रश्वाससम्बन्धी समस्या थियो ।