भारतमा यात्रु वाहक गाडी ट्रकसँग ठोक्किँदा बालबालिकासहित १४ जनाको मृत्यु
काठमाडौं, ५ मंसिर । भारतको उत्तर प्रदेशमा प्रतापगढ जिल्लास्थित प्रयागराज–लखनउ राजमार्गमा दुई गाडी आपसमा ठोक्किँदा बालबालिकासहित १४ जनाको ज्यान गएको छ ।
भारतीय सञ्चारमाध्यमका अनुसार टायर पम्पचर भएपछि सडकको किनारमा रोकिराखेको ट्रकमा यात्रु सवार एसभीयू गाडी बिहीबार राति ठोक्किएको थियो । त्यहाँका प्रहरी अधिकारीका अनुसार गाडीमा सवार यात्रु एक विवाहमा सहभागी भएर आफ्नो गाउँ फर्किदै थिए ।