थप १,९८० जनामा कोरोना संक्रमण, तीन हजार ४३ जना निको, १६ को निधन
काठमाडौं, ८ मंसिर । नेपालमा पछिल्लो २४ घण्टामा एक हजार ९८० जना कोरोना भाइरस संक्रमित थपिएका छन् । योसहित नेपालमा संक्रमितको संख्या २ लाख २२ हजार २८८ पुगेको छ ।
आज (सोमबार) देशभर ३ हजार ४३ जना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । योसँगै नेपालमा कोरोना संक्रमणमुक्त हुनेको संख्या २ लाख २ हजार ६७ पुगेको छ ।
आज देशभर १८ हजार ८८४ जना सक्रिय संक्रमित छन् । आज देशभर १६ जना संक्रमितको मृत्यु भएको छ । अहिलेसम्म एक हजार ३३७ जना संक्रमितको मृत्यु भइसकेको छ ।