कोरोनाबाट बुटवलमा थप एक महिलाको मृत्यु
बुटवल, ११ मंसिर । कोरोना भाइरस संक्रमणबाट बुटवलस्थित कोरोना विशेष अस्पतालमा बिहीबार बिहान थप एक महिलाको ज्यान गएको छ ।
मृत्यु हुनेमा बुटवल उपमहानगरपालिका–९ की ८५ वर्षीया महिला रहेको अस्पतालका सूचना अधिकारी डा. विष्णु गौतमले बताए ।
गौतमका अनुसार गत कात्तिक १४ गते संक्रमण पुष्टि भएकी ती महिलालाई २८ गते अस्पतालमा भर्ना गरिएको थियो । उनको बिहान २ बजेर ४३ मिनेटमा मृत्यु भएको हो । मृतकमा मधुमेह र निमोनियाको समस्या रहेको गौतमले जानकारी दिए ।
