सिटिजन्स बैंकको चौधौं वार्षिक साधारण सभा मंसिरको २० गते हुँदै


प्रकाशित मिति : November 26, 2020

काठमाडौं, ११ मंसिर । सिटिजन्स बैंक इन्टरनेसनल लिमिटेडले चौधौं वार्षिक साधारण सभा मंसिर महिना २० गते (५ डिसेम्बर, २०२०)मा गर्ने भएको छ ।

कार्तिक २८ गते बसेको संचालक समितिको ३४७ औं बैठकले कोभिड–१९ का कारण पर्न सक्ने सम्भावित असरलाई मध्यनजर गर्दै बैंकले नवीन शैली प्रयोगमा ल्याउँदै डिजिटल प्लाटफर्म मार्फत चौधौं वार्षिक साधारण सभा गर्ने भएको हो ।

बैंकले गत आर्थिक वर्षको मुनाफाबाट शेयरधनी महानुभावहरुलाई ११ प्रतिशत लाभांश दिने भएको छ ।

संचालक समितिबाट प्रस्ताव गरे अनुसार ८ प्रतिशतका दरले हुन आउने रु. ७२ करोड ७१ लाख ८५ हजार तीन सय ८३ रुपैयाँ १८ पैसा बराबरको बोनस शेयर वितरण गर्ने र ३ प्रतिशतका दरले हुन आउने रु.२७ करोड २६ लाख ९४ हजार पाँच सय १८ रुपैयाँ ६९ पैसा बराबरको नगद लाभांश ९लाभांश कर समेत० बैंकको वार्षिक साधारण सभाले पारित गरेपछि शेयरधनीहरुलाई वितरण गरिने कुरा बैंकले जानकारी दिएको छ ।

प्रतिक्रिया दिनुहोस्