एनआरएन यूकेका उपाध्यक्ष राईलाई शोक
काठमाडौ, १४ पुस । गैरआवासीय नेपाली संघ (एनआरएन) यूकेका उपाध्यक्ष रोजिना प्रधान राईलाई पितृ शोक परेको छ । उनका ९० वर्षीय ससुरा मणिप्रसाद राईको गत आईतबार निधन भएको हो ।
खोटाङ बासपानीमा रहनुभएको स्वर्गीय राईको पाँच छोरा र पाँच छोरी हुनुहुन्छ । जिल्लाभर समाज सेवीको नाममा परिचत राईको सम्मानमा स्थानीय राष्ट्रिय माध्यमिक विद्यालयमा सालिकसमेत रहेको छ ।
भूतपूर्व गोरखा सैनिक रहका राईलाई गाउँमा कान्छा राई नामले चिनिन्थे । स्थानीय निमुखाहरुलाई सँधै सहयोग गर्नुहुने राईले विद्यालयको लागि ६रोपनि ७आना ३पेसा जग्गा दान गरेका छन् । उनको नाममा छोरा हिराधन राई र बुहारी रोजिना प्रधानले विद्यालयमै इलाईब्रेरी पनि स्थापना गरिएका छन् ।
उपाध्यक्ष रोजिनाले ससुरा बुबा राईको पदचाप पछ्याउँदै उहाँको श्रद्धाञ्जली स्वरुप सँधै सामाजिक काममा लागिरहने बताए ।
