नयाँ चलचित्र ‘सत्यम्’ मा नायक बन्दै राजेश हमाल
काठमाडौं, ८ माघ । नेपालका ख्यातीप्राप्त अभिनेता राजेश हमाल चाँडै नयाँ चलचित्रमा मुख्य भूमिकामा देखिने भएका छन् ।
शंकर कार्कीले निर्देशन गर्न लागेको नेपाली चलचित्र ‘सत्यम्’ मा हमाल नायकको भूमिकामा आबद्ध भएका छन् । दुई महिनापछि छायांकन शुरु गरिने यो चलचित्रमा नायिका भने चयन गर्न बाँकी रहेको निर्माण पक्षले जनाएको छ । यस विषयमा अभिनेत्री उपासनासिंह ठकुरीलगायतसँग कुरा भइरहेको निर्देशक कार्कीले बताएका छन् ।
