सरकारविरुद्ध बालुवाटारमा प्रदर्शन, २६ अधिकारकर्मी पक्राउ


१२ माघ २०७७, सोमबार
krishna pahadi 4

काठमाडौं, १२ माघ । मानवअधिकार तथा शान्ति समाजले आज दिउँसो प्रधानमन्त्री निवास बालुवाटार अगाडि विरोध प्रदर्शन गरेको छ । विरोध प्रदर्शनका क्रममा प्रहरीले २६ अधिकारकर्मीलाई पक्राउ गरेको छ ।

प्रधानमन्त्री केपी शर्मा ओली नेतृत्वको सरकारले अदालतलाई प्रभाव पार्न गरिएको दुष्प्रयासविरुद्ध, राज्य संयन्त्रको दुरुपयोगविरुद्ध, प्रधानमन्त्रीरमन्त्रीहरुको आपत्तिजनक अभिव्यक्ति र कीर्तेतन्त्रविरुद्ध प्रदर्शन गरिएको समाजले जनाएको छ ।

प्रदर्शनबाट प्रहरीले समाजका संस्थापक सभापति कृष्ण पहाडी, सभापति उत्तम पुडासैनी, संस्थापक सदस्य कृष्ण कँडेल, सचिव बलबहादुर गाहा मगर, कोषाध्यक्ष रामकृष्ण बराल, केन्द्रीय सदस्य नम्रता खरेल, ललितपुर शाखा सभापति चन्द्रमणी बञ्जारा, काठमाण्डौ शाखा सभापति जगन्नाथ पुडासैनी, अधिकारकर्मीहरु रामचन्द्र खतिवडा, सुरज बोहरा, ईश्वर पुडासैनी, रमेश बराल, पुरुषोत्तम घिमिरे, उमा गौतम, माँया भट्टराई, लक्ष्मी राना, सानु लामा, आर एस महतो, डिकम्बर राणा, भगवान पुडासैनी, किरण ढकाल, रोज विष्ट, किङकङ राई, संजोग राई, मोहीणीप्रसाद आचार्यसहित २६ जनालाई गिरफ्तार गरेको हो ।

विरोध प्रदर्शनका क्रममा सहभागीहरुले प्रधानमन्त्री केपी शर्मा ओलीविरुद्ध आपत्तिजनक अभिव्यक्ति दिन बन्द गर्न माग गर्दै नारा लगाएका थिए । उनीहरुले कीर्तेतन्त्र बन्द गर, अदालतलाई प्रभाव पार्न गरिएको दुष्प्रयास बन्द गर, राज्य संयन्त्रको दुरुपयोग बन्द गर लेखिएका प्लेकार्डहरु प्रदर्शन गरेका थिए ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७