इङलिस प्रिमियर लिग : चेल्सीसँग टोटनह्याम पराजित
काठमाडौं, २३ माघ । इङ्लिस प्रिमियर लिग फुटबलमा चेल्सी विजयी भएको छ । गए राति भएको खेलमा चेल्सीले टोटनह्यामलाई १–० गोल अन्तरले पराजित गरेको हो ।
चेल्सीलाई जिताउन खेलको २४ औं मिनेटमा जोर्गिन्होले पेनाल्टीमार्फत गरेको गोल नै निर्णायक बन्यो । जितपछि चेल्सी अंक तालिकाको छैठौं स्थानमा उक्लिएको छ ।
पराजित टोटनह्याम आठौं स्थानमा धकेलिएको छ । चेल्सीले २२ खेलबाट ३६ अंक जोडेको छ भने टोटनह्यामको २१ खेलमा ३३ अंक छ ।
