प्रचण्ड–नेपाल निकट अनेरास्ववियूले प्रधानमन्त्रीलाई विरोधपत्र बुझाउँदै
काठमाडौं, २५ माघ । प्रतिनिधिसभा विघटनविरुद्ध सडक आन्दोलन गरिरहेको नेकपाको पुष्पकमल दाहाल ‘प्रचण्ड’ र माधव नेपाल पक्षको अनेरास्ववियूले प्रधानमन्त्री केपी शर्मा ओलीलाई विरोधपत्र बुझाउने भएको छ ।
संसद् विघटनविरुद्धको संघर्षको तेस्रो चरणको कार्यक्रमअनुसार अनेरास्ववियूले आज प्रधानमन्त्रीलाई विरोधपत्र बुझाउन लागेको हो । आइतबार दिउँसो २ बजे हनुमानस्थानमा भेला भएर जुलुसहित प्रधानमन्त्रीको कार्यालय सिंहदरबार जाने तयारी भएको अनेरास्ववियूका सहसंयोजक रञ्जित तामाङले जानकारी दिए ।
‘हनुमानस्थानमा भेला भएर जुलुससहित सिंहदरबार जाने तयारीमा छौं । प्रधानमन्त्री कार्यालयमा विरोधपत्र बुझाउँछौं’, उनले भने ।