हिंसा र बलात्कार नदेख्ने सरकार बोल्दैमा बन्दुक तेर्साउँछ : प्रदीप पौडेल
काठमाडौं, २९ माघ । नेकपा नेतृ रामकुमारी झाँक्रीको पक्राउलाई लिएर नेपाली कांग्रेसका नेता प्रदीप पौडेलले दिनहुँ भइरहेका हिंसा र बलात्कार नदेख्ने सरकारले बोलेकै भरमा बन्दुक तेर्साएको टिप्पणी गरेका छन् ।
नेकपा (प्रचण्ड–नेपाल) पक्षकी नेतृ रामकुमारी झाँक्रीलाई राज्यविरुद्धको कसुर आरोपमा पक्राउ गरेपछि ट्वीट गर्दै उनले हिंसा र बलात्कार नदेख्ने सरकारले बोलेकै भरमा बन्दुक तेर्स्याएको बताएका छन् ।
नेता पौडेलले आफूहरूले ल्याएको लोकतन्त्रमा सबैलाई बोल्ने अधिकार भएको स्मरण गराउँदै सरकारले टिप्पणी गरेकै आधारमा जेल देखाएर नागरिक तर्साएको बताएका छन् । उनले पक्राउ गरिएकी नेतृ रामकुमारी झाँक्रीलाई विना शर्त रिहा गर्न गर्न पनि माग गरेका छन् ।