नोभाक जोकोभिचलाई अस्ट्रेलियन ओपनको उपाधि
काठमाडौं, ९ फागुन । सर्बियन खेलाडी नोभाक जोकोभिचले यसपटकको अस्ट्रेलियन ओपन टेनिसको उपाधि जितेका छन् ।
पुरुष एकलको फाइनल खेलमा आइतबार जोकोभिचले रुसका डानिल मेद्भेदेवमाथि सोझो सेटमा जित निकालेका हुन् । उनले ७–५, ६–२ र ६–२ को स्कोरमा खेल जितेका हुन् । अस्ट्रेलियन ओपनको यो उपाधि जोकोभिचको नऔं उपाधि हो ।
योसँगै जोकोभिचले १८ औं पटक ग्रान्ड स्लाम हात पारेका छन् । राफेल नाडाल र रोजर फेडेररले हालसम्म २० पटक ग्रान्डस्लाम जितेका छन् । जोकोभिच उनीहरुको उपाधि नजिक पुगेका हुन् । बीबीसी