सेयर बजारमा ३२.६७ अंकको गिरावट, निफ्राले कमायो सबैभन्दा बढी
काठमाडौं , १० फागुन । सेयर बजारमा सोमबार ३३.६७ अंकको गिरावट आएको छ । ८ अर्ब ४० करोड कारोबार भएको सेयर बजार २६०७.६७ बिन्दुमा अडिएको छ ।
यस दिन जलविद्युत र अन्य समुह बाहेक बाँकी सबै समुहमा गिरावट आएको छ । घटेको सेयर बजारमा नेपाल इन्फ्रास्ट्रक्चर बैंकले सबैभन्दा बढी कमाएको छ ।
यसको सेयर मूल्य सर्किट लाग्ने गरी बढेको छ । आज यसको सेयर मूल्य प्रति सेयर ६ सय ६० रुपैयाँ काम भएको छ । ६ कम्पनीको भाउ ९ प्रतिशत भन्दा माथि वृद्धि भएको छ भने निफ्रा सहित २ वटा कम्पनीको भाउ १० प्रतिशतले बढेको छ ।
खरिद बिक्री रकममा एनआइसी एसिया बैंक अग्रस्थानमा आएको छ । यसको ३८ करोड २४ लाख रुपैयाँभन्दा बढीको कारोबार भएको छ ।
