म्यानमारमा प्रदर्शनकारीमाथि सैन्य दमन बढ्दो, हालसम्म ५४ जना मारिए


२१ फाल्गुन २०७७, शुक्रबार
6549729fe6c6423e8ceceb8a794bd8b4 6549729fe6c6423e8ceceb8a794bd8b4 ae469845f3524ebcaeec4af8abb2f419 1

काठमाडौं, २१ फागुन । म्यानमारमा फेब्रुअरी १ मा सेनाले सत्ता कब्जामा लिएयता हिजो (बिहीबार) सम्म कम्तीमा ५४ प्रदर्शनकारी मारिएको र एक हजार ७०० भन्दा बढीलाई पक्राउ गरिएको बताइएको छ ।

बुधबार र बिहीबार मात्र सेनाको गोली लागी दर्जनौं प्रदर्शनकारी मारिएपछि संयुक्त राष्ट्रसंघका अधिकार प्रमुखले बिहीबार सेनालाई प्रदर्शनकारीहरूको हत्या र उनीहरूमाथिको दमन रोक्न आग्रह गरेका छन् । म्यान्मारमा प्रदर्शनको सबैभन्दा भयावह दिन पछि यी टिप्पणीहरू आएका हुन् ।

बुधबार प्रजातन्त्रको पुनर्बहालीको माग गर्दै गरिएका जुलुसमा सुरक्षा बलले भीडमा गोली हानेको टेलिभिजन तथा सामाजिक सञ्जालमा आएका दृष्यहरूमा देखाइएको छ ।

803302 01 02

संयुक्त राष्ट्र सङ्घका अधिकार प्रमुख मिशेल बाचलेटले सुरक्षा निकायहरूलाई शान्तिपूर्ण प्रदर्शनको क्रममा प्रदर्शनकारीहरुप्रति उनीहरुको क्रुर कारबाही रोक्न आग्रह गरेका छन् ।

‘म्यानमारको सेनाले प्रदर्शनकारीको हत्या र जेल चलान रोक्नु पर्छ,’ उनले भने, ‘यो एकदम घृणित कुरा हो कि सुरक्षा बलले देशभर शान्तिपूर्ण आन्दोलनकारीहरूबिरूद्ध सिधै गोली चलाइरहेको छन् । यो मानव अधिकार विरोधी काम हो । राष्ट्रसंघ यसको घोर निन्दा गर्दछ ।’ एजेन्सी

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७