राष्ट्रिय अनुसन्धानमा १०४ जनालाई रोजगारी, एसईई पास गरेकाले पनि भर्ना पाउने
काठमाडौं, १३ चैत । राष्ट्रिय अनुसन्धान विभागमा रोजगारीको अवसर खुलेको छ । कुल १०४ जनाको संख्यामा भर्ना माग गरिएको हो । तीन पदको लागि आज शुक्रबार भर्ना माग गरिएको छ ।
अनुसन्धान अधिकृत (राजपत्र तृतीय श्रेणीसरह), अनुसन्धान सहायक (राजपत्र अनंकित द्वितीय श्रेणी सरह) र सहायक सूचक (राजपत्र अनंकित चतुर्थ श्रेणीसरह)मा भर्ना खुलाइएको हो । अनुसन्धान अधिकृतमा २१ जना, अनुसन्धान सहायकमा ३२ जना, सहायक सूचकमा ५१ जना माग भएको छ ।
जसअनुसार अनुसन्धानको लागि कम्तीमा स्नातक गरेको, अनुसन्धान सहायकको लागि प्रवीणता तह पास गरेको र सहायक सूचकको लागि एसएलसी वा एसईई पास गरेको हुनुपर्ने आज विभागले जारी गरेको सूचनामा उल्लेख गरिएको छ ।