सचिन तेन्दुलकरलाई कोरोना संक्रमण
नयाँदिल्ली, १४ चैत । भारतीय क्रिकेट टीमका पूर्व कप्तान सचिन तेन्दुलकरलाई कोरोना संक्रमण भएको छ ।
तेन्दुलकरले ट्वीटरमार्फत आफूलाई संक्रमण भएको जानकारी दिएका छन् । उनले संक्रमण हुनुअघि सामान्य लक्षणहरू देखा परेको समेत उल्लेख गरेका छन् ।
आफूलाई संक्रमण भए पनि परिवारका अन्य सदस्यहरूको रिपोर्ट नेगेटिभ आएको तेन्दुल्करले ट्वीटरमा लेखेका छन् । उनी आवश्यक स्वास्थ्य सतर्कता अपनाएर होम क्वारेन्टीनमै रही चिकित्सकको सुझाव पालना गरिरहेका छन् ।
