त्रिदेशीय फुटवल : बंगलादेशसँग नेपालको बराबरी, दुवै टोली फाइनलमा
काठमाडौं, १४ चैत । त्रिदेशीय फुटबल प्रतियोगिता अन्तर्गत आज (शनिबार) नेपाली राष्ट्रिय फुटबल टोलीले बंगलादेशसँग गोलरहित बराबरी खेलेको छ । आज त्रिपुरेश्वरस्थित दशरथ रंगशालमा भएको खेलमा नेपालले गोलरहित बराबरी खेलेको हो ।
पहिलो खेलमा कीर्गिस्तानसँग बराबरी खेलेको नेपालले दोस्रो खेलमा पनि बराबरी खेलेको हो । अब फाइलनमा नेपालले बंगलादेशसँग नै खेल्नेछ । फाइनल खेल दशरथ रंगशालमा सोमबार हुनेछ ।