उपेन्द्र यादव मोरङ क्षेत्र नं ५ बाट सिफारिस
काठमाडौँ: संघीय समाजवादी फोरम नेपालका अध्यक्ष उपेन्द्र यादवको नाम प्रतिनिधिसभा सदस्यका लागि मोरङको क्षेत्र नं.५ बाट सिफारिस गरिएको छ ।
उक्त क्षेत्रबाट उनको एक मात्र नाम सिफारिस गरी पार्टीको केन्द्रीय कार्यसमितिमा पठाइएको राजकुमार यादवले जानकारी दिए ।पार्टी अध्यक्ष यादव मोरङ क्षेत्र.५ अन्तर्गत विराटनगर १४ को स्थायी वासिन्दा हुन् ।यस अघि नै सिरहा जिल्लाको क्षेत्र नं–१ बाट पनि उनको नाम प्रतिनिधिसभा सदस्यका लागि सिफारिस गरिएको छ ।
