बिबी लिम्बूको ‘ए माया मुसुक्कै हाँस न’ सार्वजनिक
काठमाडौं, १५ चैत । बिबी लिम्बूको स्वरमा नयाँ गीत सार्वजनिक भएको छ । बिबी लिम्बूको स्वरमा रहेको ‘ए माया मुसुक्कै हाँस न’ बोलको गीत बिहिबार सार्वजनिक भएको हो ।
रुद्र जीएमको शब्द संगीत र एरेञ्ज रहेको गीतलाई सागर पुनको रेकर्डिङ र कुमार सानु पुनको मिक्सिङ रहेको छ ।
गीतको भिडियोमा रुकमान लिम्बू, सोनिया लिम्बू र कामना लिम्बूको अभिनय रहेको छ । निर्देशन प्रकाश लिम्बूले गरेका छन् भने गायक लिम्बूले नै छायाँकन र सम्पादन गरेका छन् । छायाँकनमा भने डम्बर राईले पनि साथ दिएका छन् ।