विप्लवका दाइ वीरजंगलाई अदालतले बोलायो बयानका लागि


३० चैत्र २०७७, सोमबार
birjung

काठमाडौं, ३० चैत । नेत्रविक्रम चन्द ‘विप्लव’ का दाइ चन्द्रबहादुर चन्द ‘वीरजंग’ लाई विष्फोटक पदार्थसम्बन्धी कसुर मुद्दामा बयानका लागि उपस्थित हुन अदालतले सूचना जारी गरेको छ ।

उनलाई जिल्ला अदालत रुपन्देहीले २१ दिनभित्र अदालतमा हाजिर हुन भनेको छ । ‘तोकिएको म्यादभित्र नआई म्याद गुजारी बसेमा कानून बमोजिम मुद्दा फैसला हुनेछ,’ जिल्ला अदालत रुपन्देहीले जारी गरेको सूचनामा भनिएको छ ।

कपिलवस्तुको शिवराज नगरपालिका–९ शिवगढी घर भनिए पनि सो वतनमा उनी फेला नपरेपछि राष्ट्रियस्तरको पत्रिकामा सूचना प्रकाशित गरेर बयानका लागि बोलाइएको अदालतले जनाएको छ । गत फागुन २१ गते सरकारसँग तीन बुँदे सहमति गर्दै नेत्रविक्रम चन्द ‘विप्लव’ समूह शान्तिपूर्ण राजनीतिमा आएको थियो ।

सरकारले विप्लव समूहमाथि लगाइएको प्रतिबन्ध हटाउँदै उसका नेता कार्यकर्ताहरुको रिहाइ र उनीहरुमाथि लागेका सबै मुद्दाहरु खारेज गर्ने सहमति जनाएको थियो । प्रधानमन्त्री केपी शर्मा ओलीको उपस्थितिमा गृहमन्त्री रामबहादुर थापा ‘बादल’ र विप्लवले सहमति पत्रमा हस्ताक्षर गरेका थिए ।

Court Notice about Chandra Bahadur Chand Birjung

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७