पूर्वराजा ज्ञानेन्द्रसँगै कुम्भ मेलामा सहभागी उत्तर प्रदेशका मुख्यमन्त्रीलाई कोरोना
काठमाडौं, १ बैसाख । भारतको उत्तर प्रदेशका मुख्यमन्त्री योगी आदित्यनाथलाई कोरोना भाइरस संक्रमण भएको छ ।
केही दिन अगाडि मात्र नेपालका पूर्वराजा ज्ञानेन्द्र शाह सहभागी भएको कुम्भ मेलाको कार्यक्रममा आदित्यनाथ पनि सहभागी भएका थिए । आदित्यनाथले सामाजिक सञ्जाल ट्वीटरमा आफूमा कोरोना पुष्टि भएको जानकारी दिएका छन् ।
हालै आदित्यनाथसँग नजिकै रहेर काम गर्ने सरकारी अधिकारीहरुलाई कोरोना देखिएपछि उनी घरमै आइसोलेसनमा बसेका थिए ।
