बढ्यो सुनको भाउ, तोलाको कति पुग्यो ?
काठमाडौं, ५ बैसाख । नेपाली बजारमा आज (आइतबार) साताको पहिलो दिनबाट सुनको भाउ फेरि बढ्न थालेको छ ।
हप्ताको पहिलो दिन आज तोलामा २ सय रुपैयाँले बढेर सुनको भाउ ९० हजार सात सय रुपैयाँमा पुगेको नेपाल सुनचाँदी व्यवसायी राष्ट्रिय महासङ्घले जनाएको छ ।
अस्ति तोलामा सुनको भाउ ९० हजार ५ सय रुपैयाँ थियो । आज चाँदीको भाउ भने स्थिर छ । चाँदी आज अस्ति जस्तै तोलाको १३ सय रुपैयाँमा कारोबार भइरहेको छ ।
