मेस्सीको दुई गोलमा बार्सिलोनाको फराकिलो जित


१० बैशाख २०७८, शुक्रबार
leo messi1619144961

काठमाडौं, १० बैसाख । कप्तान लियोनल मेस्सीको दुई गोलको सहयोगमा बार्सिलोनाले स्पेनिस ला लिगा फुटबलमा फराकिलो जित निकालेको छ । बिहीबार राति भएको खेलमा बार्सिलोनाले गेटाफेलाई ५–२ गोल अन्तरले पराजित गरेको हो ।

यसै साता मात्र कोपा डेल’ रेको उपाधि जितेको बार्सिलोनाले सहज जित निकाल्न सफल भएको हो । घरेलु मैदानमा बार्सिलोनालाई जित दिलाउन मेस्सीले दुई गोल गरे । त्यस्तै एन्टोनी ग्रीजम्यान र रोनाल्ड अरुजोले एक–एक गोल थपे । बार्सिलोनाले एक गोल आत्मघाती उपहार पाएको थियो ।

उता गेटाफेका इनेस उनलले एक गोल फर्काए । गेटाफेले पनि एक गोल आत्मघाती उपहार पाएको थियो । जितसँगै बार्सिलोनाले ३१ खेलमा ६८ अंक जोडेको छ । बार्सिलोना लिगको तेस्रो स्थानमा उक्लिएको छ । गेटाफे ३१ अंक जोडेर १५ औं स्थानमा छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७