घट्यो सुनको भाउ, तोलाको कतिमा हुँदैछ कारोबार ?
काठमाडौं, १० बैसाख । नेपाली बजारमा आज (शुक्रबार) सुनको भाउ सामान्य ओरालो लागेको छ । आज सुन प्रतितोला ९१ हजार ७०० मा कारोबार भइरहेको नेपाल सुनचाँदी महासंघले जानकारी दिएको छ ।
बुधबार प्रतितोला ९२ हजार रुपैयाँ र बिहिबार थप २०० रुपैयाँ वृद्धि भएको सुनको मूल्य शुक्रबार भने घटेको छ । नेपाल सुन चाँदी व्यवसायी महासंघका अनुसार शुक्रबार छापा वाला सुन प्रतितोला ९१ हजार ७०० रुपैयाँ कायम भएको छ भने, तेजाबी सुनको मूल्य ९१ हजार २०० रुपैयाँ कायम भएको छ । यता बिहीबार प्रतितोला एक हजार ३३५ रुपैंयामा कारोबार भएको चाँदीको मूल्यमा शुक्रबार थोरै घटेर एक हजार ३२० मा कारोबार भएको छ ।