अविश्वास प्रस्ताव पेस गर्दै मुख्यमन्त्री गुरुङविरुद्ध लगाइयो यस्ता आरोप


१३ बैशाख २०७८, सोमबार
gandaki sarkar 1536x804 1

पोखरा, १३ बैसाख । नेपाली कांग्रेस गण्डकी प्रदेश संसदीय दलका नेता कृष्णचन्द्र नेपाली पोखरेलले संविधान उल्लघंन गर्ने संघीय सरकारको मतियार गण्डकी प्रदेश सरकार बनेको आरोप लगाएका छन् ।

मुख्यमन्त्री पृथ्वीसुब्बा गुरुङविरुद्धको अविश्वासको प्रस्ताव सभामा पेश गर्दै प्रधानमन्त्री केपी शर्मा ओलीले प्रतिनिधिसभा विघटन गर्ने प्रयास गरेर संविधान मिचेको बताए । त्यसको प्रतिक्रिया प्रदेश सरकारमा पनि देखिएको उनको भनाई छ ।

संविधान उल्लघंन गर्ने संघीय सरकारको मतियार गण्डकी प्रदेश सरकार बनेर जनभावना विपरित गएका कारण अविश्वासको प्रस्ताव ल्याइएको उनले बताए । सरकारलाई समर्थन गरेको दलले समर्थन फिर्तागर्दा पनि मुख्यमन्त्री सत्तामा टाँसिन खोजेको उनले आरोप छ ।
अविश्वासको प्रस्ताव आएपछि संसद अधिवेशन अन्त्य गरेर मुख्यमन्त्रीले अराजनीतिक काम गरेको उनको आरोप छ । पोखरेल प्रस्तावित मुख्यमन्त्री समेत हुन् ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७